Sa harap ng kasalukuyang sitwasyong pulitika, may mahalagang tungkuling kailangang ganpanan ang kabataan at mamamayan. Itinutulak ng pagnanais ng gobyerno na manatili sa kapangyarihan gamit ang Charter Change ang bawat makabayang Pilipinong nagmamahal sa kalayaan na magkaisa at kumilos.
Hindi na tayo maaaring manahimik o manatiling walang pakialam. Hindi na tayo maaaring magsawalang bahala habang niluluray ng mga bwitre sa Kongreso at Malakanyang ang ating mga pampublikong institusyon at ang ating mismong kinabukasan bilang bansa at mamamayan. Kapalit ng ating pananahimik ay tagumpay ng masasamang balakin ng mga ganid sa kapangyarihan.
Itinuturo ng kasaysayan na kailanman hindi magtatagumpay ang tiraniya laban sa kolektibong pagkilos ng nagkakaisang sambayanan. ngayon ang panahon na manindigan at ipagtanggol ang demokrasya at bayan laban sa pagkaganid ng gobyerno at kasakiman sa kapangyarihan.
Cha-Cha at Gloria, Ibasura!
Makiisa at kumilos :
People’s Protest vs Cha-Cha
June 10, 5PM – Ayala Ave. cor, Paseo de Roxas
Rizal Day Youth Concert vs. Cha-Cha
tama! no to cha cha at con ass! ibasura si gloria!
read mo ito!!!
http://ceriden.net/?p=188
Ma’am/Sir magandang araw po…
Nakita ko po na parang miyembro kayo ng isang party list. meron po kasi akong blog tungkol sa mga rally na pinangungunahan ng samahan ninyo at mga katulad nito.
Sir pwedi ko po ba kayong imbitahang basahin ito? hindi po kasi ako pabor sa mga ralihista, gusto ko naman pong makuha nag opinyon nyo sa sulat ko… Alam ko pong makakatulong kayo na ipaliwanag sa bubot kong isipan ang inyong ipinaglalaban.
Ikagagalak ko po kung mababasa nyo ito… Salamat
ALVIN
eto po ang link http://livingstain.wordpress.com/2009/07/29/349/ o kaya ay mamari ninyong iclick ang aking pangalan.