The Nov25 Walkout Day : Success

Isang taas kamaong pagbati at pagpupugay sa mga estudyante at kabataan na dumalo sa ginanap na WalkOut Day nitong nakaraang Nobyemre 25 2008. Kung saan ipinakita ng mga estudyante mula sa ibat ibang pamantasang kolehiyo maging ng mga highschool ang kanilang dismaya at disgusto sa kasalukuyang rehimen ni Gloria Macapagal Arroyo.

Nagkita kita ang mga iskolar ng bayan at mga estudyante mula sa ibat ibang pamantasan sa labas ng UST bandang alas onse ng umaga. At pagkatapos ay ang mahabang martsa patungo sa Plaza Miranda kung saan idinaos ang isang programa kung saan tinuligsa ng mga kabataan ang pagsulong ng rehimen ni Gloria sa Charter Change at maging ang represyon at pasismo na kasalukuyang nararanasan ng mga aktibista.

Pagkatapos ng programa sa Plaza Miranda ay ikinasa ang martsa patungong Mendiola kung saan idaraos ang susunod na programa. Ngunit sa kasamaang palad ay hinarang ng mga reaksyunaryong pwersa ang martsa na nauwi sa pagalis ng mga estudyante sa kalye ng Morayta pabalik sa UST.

Ngunit bagaman ganoon ang nangyari. Isa paring tagumpay para sa lahat ang ginawang pagkilos. Dahil sa pamamagitan nito ay napakita na naman natin ang ating dismaya sa kasalukuyang bulok na umiiral na sistema sa ating lipunan. At hindi tayo titigil hanggat hindi napapatalsik ang pasistang pangulo na si Gloria Macapagal Arroyo.

Quote of the day

I actually first got this from my dood’s blog. And I cant help but repost this here on my blog.

“Bless the President, so she will have forebearance, good health, the tolerance to lead the nation up to 2010, and perhaps, who knows? even beyond.”

-  Press Secretary and Presidential spokesperson Jesus Dureza.

Ito ay ang panalangin ni Press Secretary Jesus Dureza sa Malacanang kahapon kung saan hiniling nya sa Diyos na sana ay bigyan ang ating pangulo ng maayos na kalusugan at ng kapasidad para “pamunuuan” ang kanyang mga “mamamayan” hanggang sa 2010. Pero may mali. Dahil ang sumunod na huling aning na salita ay nakapagpataas ng kilay, hindi lang ng aking kapatid at akin, kundi sa halos lahat ng mamamayang nakarinig nito : “and perhaps, who knows? even beyond.”

Kung gayon ano ang nais iparating ng Press Secretary ng palasyo?

Sa akin at sa maraming mga progresibo, isa lang ang ibig sabihin : Charter Change.

Handa na naman silang sumayaw sa tugtugin ng ChaCha upang mapalawak ang pag upo ng ating Presidente lampas sa inaasahan nyang paglisan sa 2010. Ngunit iisa ang tugon ng mamamayan : Hindi na namin kaya pa ang panibagong ekstensyon ng kanyang rehimen.

At kung tutuusin sa dinami dami ng mga kinasangkutan nyang kurupsyon at kminen. Sa dinami dami ng mga aktibista na ipinapatay nya, sa mga desaparecidos na hindi parin nakikita at sa mga pulang mandirigma na namatay at nagalay ng buhay para labanan ang kanyang pasismo, ang aming hiling ay ang kanyang madaliang paglisan sa palasyo. Iyon ang gusto namin at ng mga masang Anakpawis. Tama na ang pasismo at pagkiling sa bumubulusok padausdos na imperyalistang US.

Kung ako ang nabigyang pribileyong magdasal kasama sya. Iyon ang aking ipagdarasal. At naway matupad yo sa lalong madaling panahon.