Archive Page 2

Taglagas at Pagpula ng Silangan

“Pupula rin ang silangan”

Yan ang naisulat ko habang nag iisip ng caption para sa litrato na ngayon ay primary picture ngaun ng FB account namin.

At talaga namang nararapat ang caption na yun. Although magiging masalimuot nga lang ang mga magaganap bago mangyari iyon. Pero isa lang yun sa mga bagay na dapat paghandaan ng bawat isa satin tungo sa rebong tagumpay na inaasam natin.

Taglagas..

Kahapon ay nangyari na nga ang inaasahan kong magaganap : Nawalan ako ng apat na kolektib. Parang kahapon lang na sabay sabay kaming pumasok sa PUP, at pagkatapos ng mahabang pagtatasa namin at paglalagom, paglabas sa PUP ay hindi na sila kabilang sa kolektiba namin.
Pero hindi naman dapat tayo malungkot. Dahil isa lang ang siguradong sagot kung bakit naganap ito : Para mas malawak pang makapag silbi sa masa at para mas malawak pa ang maabot namin.

Pero kahit alam natin ang obhetibong mga dahilan; hindi parin maiaalis na ma miss ko ang mga kasama.

Mami miss ko ang kolektib ko na madalas ay nakasimangot, madalas uminit ang ulo at madalas na nananariwa sakin ang tipikal na itsura nya na dala dala ang napakalaking bag nya – na sabi nga ng mga tibak na may malalaking bag : “dala ko ang bahay ko” Naalala ko pa nun. Halos magkasabay lang naman kami na organisa, sabay na suspend at sabay na nagpatuloy sa pagkilos. Sa katunayan, sa aking palagay ay isa sya sa mga naging pinaka matatag na kasama. Naging napaka bilis ang kanyang pag unlad. Simula sa lunes ay sa ibang erya na sya papakat. Alam kong maninibago sya pero alam ko namang madali lang syang makakapag adjust. Hindi narin naman ako nanghihinayan dahil nawala sya samin. Dahil alam kong magiging produktibo sya sa kung san man sya mapapadpad.

Mami miss ko rin ang kolektib namin na madalas kong katalakayan kapag walang masyadong mga gawain. Mami miss ko rin ang pagiging matalas nya sa mga bagay bagay. Parehas kaming badtrip sa liberal at burgis na propesor namin sa econimics, kapag napag uusapan namin ang prof na yun ay hindi maiiwasang tilad tilarin namin ang mga maling bagay na pinag sasabi nya sa kanyang mga estudyante. Sya na siguro ang pinaka matanda sa amin(sa temino ng pagkilos, hindi edad). Sya nalang ang natira mula doon sa “first wave” ng mga organisador na nagmulat, nag organisa at nagpa mobilisa sa amin. Isa rin sya sa maraming tao na naging dahilan ng pagtagal namin at paghawak ng mahigpit sa rebong kilusang mapagpalaya na kinapapalooban namin. Ang pagkalipat nya ng kolektiba ay isang magandang paraan para mas lalo pang makapagpa unlad. Tungo sa mas malawak na tagumpay!

Mami – miss ko rin ang kolektib ko na madalas magsunog ng oras sa bilyar at sa pagiging problemado nya ukol sa “pakikipag relasyon” at mga bagay na nagiging problema nya. nagulat ako nang malamang isa rin sya sa mga mawawala, dahil nitong Septyembre palang naman sya na organisa. Ngunit sa maikling panahon na yon, isa sya sa mga pinaka naging maunlad kung ikukumpara sa iba nyang naging kasabay. Niyakap nya ang ipinaglalaban ng kilusang mapagpalaya. Matyaga rin sya sa pag aaral sa lipunan. Madalas kong maalala ang mga panahong sya pa mismo ang lumalapit sa amin para bigyan sya ng ED, tapusin ang lahat ng Prereq(na hindi naman talaga dapat nya malaman, ngunit nalamayn nya dahil sa isang kolektib na hindi maka tiis magbigay ng spoiler). Pero isa ang tiyak ko, kahit na medyo mahihirapan sya mag adjust sa bagong kapaligirang mapapadpadan nya..nakikita ko naman sa kanya ang apoy na nakikita ko sa mga kasama. Kayat magpatuloy na sumulong at magpaunlad!

At hindi pwedeng hindi ko mamiss ang kolektib naming bestfriend ng kolektib naming mahilig sa bilyar. Halos isang buwan lang ang pagitan nila ng ma organisa. Ngunit pagdating ng pangalawang semestre ay huminto sya sa pag aaral. Kahit naging ganun ang nangyari ay patuloy parin namin syang nakakasama sa mga pagkilos : Isang manipestasyon ng kanyang pagkapit at paghawak sa linya na ating ipinaglalaban. Mami miss siguro sya ng isa naming kolektib na sa palagay ko ay nagiging malapit na sa kanya. Dapat lang natin tandaan na nandito lang ang kolektib, kung nais man nilang gawing pormal ang lahat – mas marangal at nararapat. Wala naman akong bahid ng pagdududa sa kanya. Tiyak akong magagawa nya ng maayos ang mga bagong gawain na ipapagawa sa kanya. Kaya’t masaya ako kahit mawawala sya.

Bilang pagtatapos ay guto kong magpasalamt sa mga pagkakataong nakasama ko ang mga kasama. At wala naman talagang magbabago kungdi ang lugar na pinupuntahan nila. Magkikita parin naman tayo sa mga susunod na kilos protesta, sa mga picketline ng mga manggagagawa, sa mga rebong anibersaryong pagtitipon, at malay nyo : Sa mga susunod na taon ay sa kanayunan na tayo magkita. May posibilidad naman diba? Malking posibilidad.

Kasalukuyan palang tumutugtog ang Awit ng Pag Asa, ikaw, ano ang pinakikinggan mo?

SORAL
10JAN10

0540pm

Advertisements

Mula kay Pulang Krayola, SORAL at sa buong kolektibo ng JRU…

Isang mapagpalaya at taas kamaong bagong taon sa ating lahat!

Patuloy na mag mulat, mag organisa at mag mobilisa!

Para sa Pambansang Demokrasya at kalayaan!

Kape at kontradiksyon

Mag-aala sais na ng umaga.

Matagal koring di naranasan to – ang mapuyat ng todo. Siguro ay dahil sa palagi na akong natutulog ng maaga(kung maaga din para sayo ang alas dos ng umaga). Pero dahil nga sa holiday vacation ngayon – balik na naman ako sa dati kong gawi. Ang abutin ng umaga kaka inom ng mainet na kape habang pilit na pinipiga ang utak para may maisulat na kahit ano lang. At tagumpay na naman ako dahil 1. napuyat ako at 2. dahil may naisulat akong isang sanaysay (seriously – hindi ko alam kung ano ang itatawag ko dun, tula ba o essay?)

Natatawa nalang ako.

Kasi ba naman, kaninang bandang maaga aga pa (9 to 11pm) ay pinipilit ko ang sarili ko na magsulat. Na para bang gustong gusto ko magsulat pero 1. di ko malaman ang uunahin at 2. hindi ko alam kung paano ito isulat. Iyon nga mismo ang problema – hindi dapat pinipilit ang pagsusulat, kung nasa tamang tempo at ritmo ang damdamin mo – malaya kang makakapag sulat.

At para sakin, upang makuha ang sinasabing tamang ritmo o tempo ng damdamin – kailangan ko ng tatlong components (parang dorobo lang noh? haha). 1.Paulit ulit na pag inom ng mainit na kape sa madaling araw, 2. Tulog na dapat lahat ng kasama ko sa bahay at 3. Mabangag kakainom ng kape.

At presto! Meron na kong panibagong draft para sa aking blog (either produktibo o kaya’y patapon).

Ang iniluwal ng aking masalimuot na pagsisikap ay ang “elibs”. Kung sa slang na termino sa salitang Pilipino – ang ibig sabihin nito ay “bilib”. Bale, kung babasahin para syang pagpupugay sa aking mga kolektib dahil magkakasama parin kami ngayon. Pinapakita rin doon kung paanong mula sa pagiging makasariling mga tao ay na organisa sila at namulat sa reyalidad ng buhay. Kung bakit may pagsasamantala, sino ang mga nagsasamantala at kung paano lalabanan ang pagsasamantala. At mula sa mga panimulang pundasyong ito ay nagpatuloy sila sa pagpapalalim at tumagal sa kilusang mapagpalaya na kinabibilangan nila.

Kung babasahin, makikitang ginawa ito para i-cheer up ang kanyang mga kolektibs para hindi manghina, mapagod at lalo pang tumaas ang moral. Pero makikita rin na hindi lang ito ginawa para ahitahin(agit-in) ang kanyang mga kasama – kungdi para rin mismo sa kanya.

Dahil higit kanino man, alam nating minsan tayo mismo ang pinanghihinaan ng loob. Parang ako. Lalo na kapag hindi nagagawa ng masikhay ang mga gawain – Minsan umaabot sa pagka demoralisa.

Hindi dahil alam kong nagkasala ako sa king kalihin.

Kungdi dahil alam kong nagkasala ako sa masa.

At dala narin ng natitirang hibo ng liberalismo – madalas ay tinatago nalang natin ito sa ating mga sarili. Siguro ay dahil sa ayaw nating ipakitang nanghihina tayo.

Oo. Liberal na ako.

Bilang konklusyon,

Ang “elibs” ay isinulat ko dahil sa dalawang inspirasyon.

1. Pataasin ang moral ng aking mga kolektib at 2. Pataasin ang sarili kong sadsad sa lupang moral.

Totoo nga ang kasabihang habang lumalawak ang pang-unawa mo at dumadami ang kaalaman mo sa lipunan ay lumalaki at dumadami din ang mga kontradisyon na kakaharapin mo. Isang bagay lang, tandaan lang kung “PARA KANINO” ang mga ginagawa natin.

Kayat wag dapat panghinaan ng loob.

Para sa kilusang mapagpalaya – at para sa masa.

Teka, sobrang lamig na pala ng kape at paubos na. Makapag timpla pa kaya ng isa?

SORAL
23DEC09
0704am

Elibs*

Elibs na elibs talaga ko sayo eh..

Naalala ko kasi dati..

Halos magkatulad lang tayo nun..

Kuntento na sa tipikal na pag inog ng buhay,

nakakulong sa ating mga makasariling interes :

makakain ng tatlong beses sa isang araw,

..umatend ng konsyerto,

..malasing sa alak,

..hindi malamangan sa mga bagay bagay,

..WALANG PROBLEMA.

Malabo pa ang konsepto natin ng kalayaan noon :

basta nagagawa natin ang gusto  natin,

..nabibili ang hilig natin,

..nasusunod ang mga burges na luho natin,

..WALANG PROBLEMA,

..WALA NA TAYONG PAKI SA IBA.

Pero dati yun.

Pagtapos ay may bigla na lang tayong nakilalang isang tao – o isang grupo ng mga tao..

Mga taong bigla nalang bumasag sa lahat ng konsepto natin sa buhay..

Pagtaops ay hinapagan tayo ng isang unibersal na katotohanan – na tayong lahat ay parte ng nabubulok na sistema ng lipunan.

Hindi bat sa kanila natin nalaman ang pagkaka – konektado ng lahat ng krisis sa ating lipunan?

..Tuition Fee Increase

..Campus Repression

..Privatization

..Political Killings

..Enforced Disappearances

..Oil Price Hike

..Monopolyo sa lupa

..Import Dependent – Export Oriented economy

Hindi bat sila rin ang nagpakilala sa ating uri at kung bakit tayo napagsasamantalahan?

..magsasakang inaagawan ng lupa,

..manggagawang alipin ng sistemang sahuran,

..peti-burgesyang estudyante na nakatali sa bulok na sistema ng edukasyon,

..pambansang burgesyang dinudurog ng mga malalaking burgesya komprador.

Naglantad sa uring mapagsamantala :

..swapang sa lupang mga Panginoong May Lupa,

..ganid sa salaping mga Malaking Burgesya Komprador,

..at pasistang mga burukrata – kapitalista.

Matyagang nagpaliwanag sa tatlong salot ng lipunan :

Imperyalismo,

..Burukrata – Kapitalismo,

..at katutubong Pyudalismo.

at syempre – naghapag ng solusyon sa mga problemang ito :

Armadong Pakikibaka bilang pangunahing porma,

at Parliamentong pakikibaka bilang sekundarya.

Lahat ng yon ay matyaga nilang ipinaintindi satin.

Mula sa konserbatibong mga pananaw natin ay nagkaron tayo ng obhetibong pag unawa kung bakit may pagsasamantala – at kung paano ito lalabanan.

Naintindihan nating kaya pala maging makasarili ng ating panananaw noon ay dahil sa ganoong paraan tayo hinubog ng super structure ng lipunan.

At dahil don ay namuhi tayo sa superstructure.

Namuhi tayo sa kasalukuyang mala-kolonyal at mala-pyudal na sistema na pumipigil sa pag unlad.

Nagkaron narin tayo sa wakas ng kolektibong hangarin – ang baguhin ang lipunan at palitan ito ng pinaka abante at pinaka sulong na uri ng lipunan.

At dahil doon ay naging kabilang narin tayo sa kanila.

Mga taong hindi nagsasawa sa pagpapaliwanag kung bakit nga ba ganto.

Mga taong hindi nagsasawa sa pag aaral – sa lipunan.

Mga aktibista pala sila.

Silang nagsusulong ng Pambansang Demokrasya!

At dun natin nalaman na kolektib pala ang tawag sa samahan nila.

At oo, parte na tayo ng kolektibong iyon.

Kaya nga elibs ako sayo eh :

..dahil nandito ka aprin hanggang ngayon,

..kasama naming nagmamartsa sa init ng araw,

..kasama naming sumisigaw para sa  karapatan,

..kasama naming binabago ang lipunan.

Unti unti..

sa tema ng MDB,

Unti unti..

tungo sa tagumpay ng PDR,

Unti unti..

hanggang sa tagumpay ng SR,

Unti unti.

Kaya nga elibs ako sayo eh :

Dahil gusto mong kumawala sa sistema,

Wag tayong mapagod,

Labanan ang kontradiksyon,

Hanggang sa tagumpay.

estipi – estiar

SORAL
23DEC09
0546AM
*Ang “elibs” ay salitang kalye sa pilipino na ang ibig sabihin ay “bilib”.

Pampataas lang ng moral…

Militant students shout slogans as they hold a rally calling for an end to martial law in southern Maguindanao province as they commemorate International Human Rights Day just outside the gates of the Malacanang Presidential Palace in Manila, Philippines, Thursday, Dec. 10, 2009. Critics called it a dangerous precedent, but cabinet members said martial law was needed to stave off a rebellion by the powerful Ampatuan clan, the main suspects in the Nov. 23 killings of 57 people, and their thousands-strong private armies ready to fight the government.

Pampataas lang ng moral.

Para sa lahat ng kasama. Sa mga kasamang pinanghihinaan ng loob at tinatalo ng p********ng kontradiksyon na yan.

Sa lahat ng nahahagip ng burges na kulturang pinagmulan nating lahat na ating binabaka sa pamamagitan ng pagpapanibagong-hubog.

Sa lahat ng napapagod at pinanghihinaan ng loob…

Kung patuloy tayong magpapatalo sa mga kontradiksyon na yan…

Lagi’t lagi lang natin tatandaan…

Na palagi nalang magiging ganyan ang sitwasyon. Katulad ng litrato sa taas. Kung saan natatakot tayong makita ang ating muka sa tuwing naiisip natin na baka hagupitin tayo ng ating Admin at supiling muli.

Lagi’t lagi lang natin tatandaan…

Dumaan na ang ating kolektibo sa ibat ibang kampanya at tagumpay sa loob ng ating pamantasan. Red Shirt Day. JRU19 at TOFI(Tuition and Other Fee Increse) Fight. Mga kampanya at pakikibakang masa na humubog sa atin bilang mga aktibista. Kung saan binabasag natin ang kulturang laganap lalo na sa isang burgers na pamantasan -tulad ng JRU :“Mag-aral nalang kayo, wala kayong mapapala dyan.” -Isang kultura kung saan nilalayo ang estudyante sa mga usaping pampulitika ng ating bansa, na para bang hiwalay ang buhay sa loob ng pamantasan sa lipunang ating ginagalawan.

Lagi’t lagi lang natin tatandaan…

Dec 10, 2009. Pandaigdigang Araw ng Karapatang Pantao : Naging parte tayo ng kasaysayan kung saan nairehistro natin ang ating boses -hindi lang sa Mendiola kungdi sa Gate7 mismo ng Malacanang para kundenahin ang pagsasabatas ng Martial Law sa Maguindanao. Isang panawagang nararapat at napapanahon lamang.

Nasa panahon na naman tayo ng ligalig. Kailangang kumilos para baguhin ang lipunan. Ang bulok na umiiral na sistema ng lipunan sa ating bansa.

Anong sagot sa Martial Law? : D******! D******! D******! B****!

Ang tao! Ang Bayan! : A**** nalang ang kulang!

Kung nandun ka nung makasaysayang araw na yon. alam mo ang sagot. At kung wala ka naman noon -sumama sa mga susunod na pagkilos. Nang sa susunod ay kasabay kana naming nagcha-chant ng radikal na pagbabago ng lipunan.

Pampataas lang ng moral. ^

SORAL
121209

Martial Law. Oo sa Maguindanao palang sa ngayon. Pero paano kung pati sa buong bansa na? Hindi ka parin ba kikilos? Mga kasama. Nasa panahon na tayo ng ligalig. Kaya naman makatwiran at napapanahon(at palagi naman talagang napapanahon) ang mag rebolusyon!

Isang taon na naman ang nadagdag sa aking nadudurog nang katinuan. ^

Kung noong nakaraang taon ay napag ukulan ko ng panahon ang pagsusulat ng isang blog entry para ipagdiwang ang aking kaarawan; ngayong taon ay wala akong naisulat para sa aking kaarawan. Dala narin siguro na masyado akong naging busy sa eskwela at sa kadahilanang may trangkaso ako noong araw na yun-ay hindi na ako nakagawa ng isang year end blog entry para i-assest ang naging larga ko sa loob ng isang taon na namang pagkakadagdadg sa aking edad.

Pasensya na kung napaka late na nito para sa isang blog entry sa aking kaarawan na halos isang buwan nang lumipas…

Buti nalang at nandyan si VSF at hindi nakalimutan ang aking kaarawan. Sa gantong paraan namin ipinagdiwang ang aking kaarawan.


Pages

Status

  • 19,217 hits

TULONG KABATAAN


ISANG MILYON. ISANG PANATA

TAYO ANG PAGBABAGO!


The Youth is on a Mission to Rock Philippine Politics. Be part.

no to CONASS!


2010 is nearing and as expected by many..CHACHA is now being pushed by the shameful CONASS! I would like to adress my shame to our Congressman Roman T. Romulo of Pasig for supporting the very unconstitutional CHACHA through the passing of HR 1109.

Come and join the widespread campaign of protesting against CONASS! Let us blog and post to all of our social networking sites such as Friendster, Multiply, Facebook our rage against the hasty passing of HR 1109.

-SORAL
(Image courtesy of : http://brianong.blogspot.com/)

Currently listenin’


Named after the traditional Navajo tobacco pipe given as a peace offering, PEACE PIPE arrives on scene bearing gifts: 10 songs with the same promise of their namesake to transport one from the natural world to the spectral world.
more at their MySpace : here

Blog scheds

October 2017
M T W T F S S
« May    
 1
2345678
9101112131415
16171819202122
23242526272829
3031  

Top Posts