Posts Tagged 'Pasismo'

The Nov25 Walkout Day : Success

Isang taas kamaong pagbati at pagpupugay sa mga estudyante at kabataan na dumalo sa ginanap na WalkOut Day nitong nakaraang Nobyemre 25 2008. Kung saan ipinakita ng mga estudyante mula sa ibat ibang pamantasang kolehiyo maging ng mga highschool ang kanilang dismaya at disgusto sa kasalukuyang rehimen ni Gloria Macapagal Arroyo.

Nagkita kita ang mga iskolar ng bayan at mga estudyante mula sa ibat ibang pamantasan sa labas ng UST bandang alas onse ng umaga. At pagkatapos ay ang mahabang martsa patungo sa Plaza Miranda kung saan idinaos ang isang programa kung saan tinuligsa ng mga kabataan ang pagsulong ng rehimen ni Gloria sa Charter Change at maging ang represyon at pasismo na kasalukuyang nararanasan ng mga aktibista.

Pagkatapos ng programa sa Plaza Miranda ay ikinasa ang martsa patungong Mendiola kung saan idaraos ang susunod na programa. Ngunit sa kasamaang palad ay hinarang ng mga reaksyunaryong pwersa ang martsa na nauwi sa pagalis ng mga estudyante sa kalye ng Morayta pabalik sa UST.

Ngunit bagaman ganoon ang nangyari. Isa paring tagumpay para sa lahat ang ginawang pagkilos. Dahil sa pamamagitan nito ay napakita na naman natin ang ating dismaya sa kasalukuyang bulok na umiiral na sistema sa ating lipunan. At hindi tayo titigil hanggat hindi napapatalsik ang pasistang pangulo na si Gloria Macapagal Arroyo.

Advertisements

November 25 is a Walk Out Day!

Panawagan ng mga Kabataan : Walk Out!

(Walk out sa klase bilang tugon laban sa pasismo at Chaha)

Hindi lingid sa ating kaalaman na papalapit na ang 2010. Ito ang huling hantungan ng gasgas at atrasadong pamumuno ni Gloria Macapagal Arroyo. Kasabay ng kanyang papalapit na pag alis sa pwesto ayang patuloy na pagbulusok paibaba ng ating ekonomiya dahil sa pandaigdigang krisis pang pinansya.

Ngunit nakasisiguro ba tayo na basta basta na lang sya bababa sa kanyang pwesto ng walang alinlangan? May balak nga ba syang bumaba kahit na lingid sa kanyang kaalaman na oras na bumaba sya ay kakaharapin nya ang mga di-mabilang na anomalyang kanyang kinasangkutan?

Tulad ng “Hello Garci Scandal”, “NBN-ZTE Deal” at ang pinaka mainit ngayon : Ang PHP728M Fertilizer Scam kung saan ang perang napunta sana sa mga magsasaka ay walang pakundangang ginamit ni Arroyo noong 2004 elections. Idagdag pa dyan ang mga di mabilang bilang na kaso sa paglaban sa karapatang pantao, pagpaslang sa mga aktibista, enforced disappearances(desaparecidos) o sapilitang pagdukot at iba pa. Lahat ng anomalyang yan idagdag pa ang kolektibong galit at poot ng milyon milyong masang anakpawis na kahit kailan ay hindi naramdaman ang sinasabing “Ramdam ang Kaunlaran” ng kanyang gobyerno.

Kaya nga ba nyang harapin ang lahat ng ito? Sa tingin ko ay hindi. Dahil sa bigat ng kasalanan nya sa taong bayan ay pagbabang pagbaba nya pa lang sa pwesto ay sa kulungan na dapat agad ang bagsak nya. Kaya naman pinipilit nya paring isulong ang “ChaCha” o Charter Change, kung saan hindi nya lang mapapalitan ng isang mas atrasadong lipunan ang bulok nang umiiral na sistema, kungdi ay magiging dahilan rin ito ng ekstensyon ng kanyang termino na lalampas sa inaasahang exit nya sa 2010. Kahit na ilang beses na syang nabigo sa pagsulong sa ChaCha sa anyo ng pagkabasura sa Constitutional Assembly(ConAss) at ang mapanlinlang na Memorandum of Agreement on Ancestral Domain(MOA-AD), ay nanganganib paring maipasa ito dahil sa pursigidong pagkilos nya at kanyang mga alipores sa pagsulong sa ChaCha sa pagpasok ng 2009. At kasabay ng pagsulong sa ChaCha ay ang pagdurog sa mga progresibong organisasyong tumututol dito sa pamamagitan ng mas pina igting na dahas at pasismo.

Ngunit tayong mga kabataan ay hindi dapat matakot sa kamay na bakal g pasistang lider. Bagkus, gawin nating itong kasangkapan para lalong lumaban, tumutol at ipakita ang disgusto sa kasalukuyang rehimen.

Tayong mga kabataan ang dapat na pangunahing nakikialam at sumasama para baguhin ang bulok na sistema : Dahil tayo rin naman ang makikinabang nito sa hinaharap.

Tayong mga kabataan ay hindi dapat nagkakasya sa apat na sulok lang ng ating paaralan. Dapat tayong lumahik at maging mulat sa ating lipunan.

Tayong mga kabataan ay hindi dapat palagi nalang nakukulong sa pagiging makasarili at walang pakialam.

Tayong mga kabataan ay dapat lumabas at magtungo sa lansangan upang isigaw ang ating pag giit sa karapatan at pagbabago. At magkaisang hindi na dapat paabutin ang 2010 bago mapatalsik ang puppet, reaksyunaryo at pekeng pangulo na si Gloria Macapagal Arroyo.

Panawagan ng mga estudyante : Walk Out sa Klase!

Defy Gloria’s Tyranny! Defy Charter Change!

Irehistro ang inyong mga unibersidad! Dumalo at magpadalo sa walk out.

November25 : Youth Gathering for Change “Red Shirt Day” – UST 11am

December02 : Urban Poor’s DAy – Welcome Rotondo 11am

ANAKBAYAN, KARATULA, LFS – JRU

Bakit kailangan kong magtago?

Pasismo. Yan ang dahilan kung bakit ayaw kong ilabas ang aking pagkakakilanlan dito sa blogospere. Ako si S.O.R.A.L ng intarwebs at na-kukupalan talaga ako kung bakit kailangan ko pang magtago sa pen-name na to. Eh kasi naman, sa aming paaralang Jose Rizal University..ay masyadong malala ang represyon sa loob ng campus.

Please lang, Kung magco comment po kayo sa blog ko ay wag nyo na po muna ko i address sa aking tunay na pangalan. Masyado kasi kaming mainit ngayon sa loob. Daig pa sa mga kriminal ang turing samin ngayon. Tsk tsk. Talagan nakakalungkot.

Isang mainam na halimbawa ay ang walang habas na pagsuspindi sa 19 aktibista-estudyante nitong nakaraang July 17 2008,Thursday. Isa na ko sa mga nasuspindi Naisipan lang naman kasi naming mag snake rally sa loob ng aming mahal na paaralan. Isang practice lang naman ito ng aming freedom of expression at campus freedom. Ngunit ano ang sinagot ng ADMIN? Sinuspindi kaming lahat ng mahigit dalawang linggo,,nakabalik naman ang 15 samin..Ngunit ang 4 ay tuluyan nang na Forced Transfer.

Masakit. Para raw kasi kaming bumangga sa pader. Masyado daw kaming subersibo kaya ayun daw ang napala namin.

Nakaka-irita. Dahil ang tanging nais lang naman namin ay isang pagsasabuhay ng aming karapatan. Ngunit ang sinagot nila ay PASISMO.

Ngunit tuloy ang laban. Dahil sa darating na Byernes ay naka schedule kaming magsampa ng kaso laban sa ADMIN para sa maling pagtatanggal sa apat naming kamag-aral. Sa Mandaluyong Regional Trial Court yan kaibigan. Sana makapunta tayong lahat. Ang kitaan ay sa Chowking-RTU BONI at martsa patungong Mandaluyong RTC. Around 1PM ipuputok ang programa. Kita Kita tayo.

– SORAL

September 24 2008, 10:00 PM

Sa isang pribadong computer shop

Dekada70

Ang Dekada70 ni Lualhati Bautista ang pinaka unang nobela na binasa ko at di nagtagal ay niyakap ko ng buong puso. Ito ang pinaka paborito kong akda ni Lualhati(Gapo,Bata Bata Pano ka ginawa?) dahil ang nobelang ito ang sumasalamin sa kung ano ako ngayon.

Hindi ako nabuhay sa dekadang ito. Ngunit sabi ko dati sa sarili ko “Sana nabuhay ako sa dekadang ito!” Gusto kong mabuhay sa panahong iyon hindi dahil maganda ang antas ng pamumuhay sa dekada70. Kungdi dahil sa partikular na dekadang ito..buhay na buhay at napaka aktibo pa ng mga kabataan at halos lahat ng mamamayan ay lumaban at nagbuwis ng buhay para labanas ang pasismo at represyon ng isang diktador at mga imperyalistang naghaharing uri.

Ang Dekada70 ang isa sa mga pinaka madugong dekada sa ating bansa. Marami ang naganap na patayan at pagdukot. Marami ang inabuso at umabuso. At higit sa lahat ito ang panahon kung saan ang malayang pamamahayag ay ikinulong sa isang kahon. Binusalan at minapula ang media. Pinatay ang mga mamamahayag. Dinukot ang mga aktibista. At pinatay ang lahat ng mga taong may bahid ng “subersibong kaisipan”.

Tagapagpaunang hudyat ang Dekada70 sa panibagong paggiit ng mga manunulat sa laya ng mapanlikhang imahinasyon. Sa panahon ng rehimeng Martial Law, ang imahinasyong iyan ay napilitang pailalim sa mga pagbabawal ng panahon upang magkaroon ng pagkakataong malathala ang likha ng manunulat. Sa ganyang paraan naganap ang pagpapakulong ng maraming manunulat sa mga paksang makitid kung hindi mas gasgas, palaiwas kung hindi man tahasang eskapista.

– Bienvenido Lumbera

So there you have it. Kung i dedescribe natin ang Dekada70..One word suits : Chaos. Total chaos. Ultimo mga kriminal natakot gumawa ng krimen. Ang panahon kung saan ang tanging gumagawa ng krimen at karahasan ay ang mismong estado. Sa madaling salita..monopolyado ng pasistang estado ni Marcos at ng Imperyalistang US ang pandarahas at krimen.

Siguro sa ganyan kagulong panahon ay iisipin nyo na baliw ang sinuman nanaisin na mabuhay sa dekadang iyan. Pero ako. Sana talaga naranasan kong mabuhay noong Dekada70. Sa Dekada70, namulat ang malawak na masang Pilipino na kailangan nilang ipaglaban ang kanilang karapatan. Sa Dekada 70, natuto tayong makibaka para sa pambansang demokrasya at pagkakaisa. At higit sa lahat..ang Dekada70 ang naging hudyat para wakasan ang pasista at berdugong diktaturya ni Marcos at ang kanyang Imperyalistang amo..ang US.

Noong unang beses kong nabasa ang nobelang ito ay marami akong terminolohiyang hindi maintidihan. Mga salita tulad ng pasismo,,imperyalista,,CPP-NPA,,kapitalista,, at marami pang iba. Nito ko lang napagtanto ang mga salitang iyan. At nito ko lang niyakap ng buong puso ang nobelang ito. Sa kadahilang sa yugtong ito ng buhay ko ay nararansan ko first hand kung ano at sino at kung paano ang maging isang aktibista.

Oo. Isa akong tibak. Isa akong aktibista sa panahon kung saan ang lahat ng kabataan ay nahuhumaling sa paglalaro ng DOTA. Isa akong aktibista sa panahon kung saan lahat ng tao ay nagmimistulang bulag at wala nang pakialam sa mundong ginagalawan nya. Isa akong aktibista sa panahon kung saan lahat ay Apathetic sa mga bagay na dapat pagusapan.

Oo. Kahit sa panahong ito meron parin at buhay parin kaming mga aktibista. Hanggat nandyan ang malawak na masang naapi. Hanggat may represyon at pasista. Asahan nyo hindi kami mawawala.

Ok. Bumalik tayo sa Dekada70.

Nakakalungkot isipin na para bang hindi tayo natuto sa Dekada70. Para bang dumaan lang ito sa kaliwang tenga at lumabas sa kanan.  Dahil sa Dekada70..natuto tayong lumabas sa kalye at magkaisa noong EDSA Revolution. At dahil doon napatalsik ang isang pasistang diktador. Pero mula noong EDSA..bakit patuloy parin tayo sa paglukluk ng mga tuta at pasistang lider? Bakit hindi parin natin nakikita na ang ugat lahat ng kahirapan ay ang Imperyalismo,,Burukrata Kapitalismo at Pyudalismo. King babasahin nyo (o kung nabasa nyo na) ang libro ng Dekada70.

Ikaw. Ano ang masasabi mo sa dekada na para sakin ay isa sa mga pinaka mahalagang dekada ng ating panahon? Ano ang aral na makukuha sa nakalipas na panahon sa ating kasaysayan? Bakit paulit ulit parin nating ginagawa ang mga bagay na nagpahirap sa ating mga kapatid noong Dekada70. Bakit sarado na ang mata nyo at kaisipan sa mga bagay na dapat pa nga ay pinakikialaman natin? At kung isa ka sa mga nabuhay sa Dekada70 ngunit ngayon ay wala kang pakialam..Ang tanong ko sayo eh : Bakit ka pa nabuhay noong Dekada70?

S.O.R.A.L
11:20AM
In a computer shop near my home


Pages

Status

  • 19,220 hits

TULONG KABATAAN


ISANG MILYON. ISANG PANATA

TAYO ANG PAGBABAGO!


The Youth is on a Mission to Rock Philippine Politics. Be part.

no to CONASS!


2010 is nearing and as expected by many..CHACHA is now being pushed by the shameful CONASS! I would like to adress my shame to our Congressman Roman T. Romulo of Pasig for supporting the very unconstitutional CHACHA through the passing of HR 1109.

Come and join the widespread campaign of protesting against CONASS! Let us blog and post to all of our social networking sites such as Friendster, Multiply, Facebook our rage against the hasty passing of HR 1109.

-SORAL
(Image courtesy of : http://brianong.blogspot.com/)

Currently listenin’


Named after the traditional Navajo tobacco pipe given as a peace offering, PEACE PIPE arrives on scene bearing gifts: 10 songs with the same promise of their namesake to transport one from the natural world to the spectral world.
more at their MySpace : here

Blog scheds

October 2017
M T W T F S S
« May    
 1
2345678
9101112131415
16171819202122
23242526272829
3031