Archive for May, 2010

from Rep. Mong Palatino: “as of yesterday, kabataan partylist already has 417,000 votes. salamat po. we only received 220,000 votes in 2007” || Gusto mong sumali? Mag-apply sa kabataanpartylist.com/join

-Mula sa official Facebook ng Kabataan Partylist

Sa mga oras na binabasa nyo to; ay ilang araw nang tapos ang pambansang halalan ng 2010. Muli, ang mga pampulitikang pwersa sa bansa ay nabalasa; marami ang nawala sa kapangyarihan at marami rin ang nanalo. Bagaman natalo ang ating dalawang progresibong senador, hindi naman ako ganun nalungkot dahil nakapasok padin naman ang ating mga progresibong Partylist – Isa nga dyan ang Kabataan partylist.

Ngunit dapat pakatandaan : Ang pagkapanalo ng ating mga Partylist sa Kongreso ay, oo, makakapagbigay ng malaking ganansya at tulong sa mamamayan. Pero dapat pakatandaan din, ayon nga kay Teo Marasigan : Walang Ilusyon sa Eleksyon.

Ang mga larawan sa baba ay galing sa aking kolektib kung saan nakapag imbak sya kahit papano ng ilang mga alala nitong nakaraang elektoral na kampanya.

Maraming salamat! At magandang umaga!

Advertisements

Kape, Ala una ng madaling araw, at ilang alaala ng katatapos lang na elektoral na kampanya

Isang mainit na kape sa kalagitnaan ng madaling araw dito sa aming bahay. Pagkatapos ng matagal na panahon ay ngayon ko lang ulit naranasan ito.

Kung itatanong kung bakit ngayon lang ulit ay kailangang sariwain ko ang mga naganap nitong mga nakaraang buwan. Kung saan para sakin na unang beses na sumabak sa elektoral na kampanya, ay masasabi kong naging mahirap at masalimuot ng ginawa naming pangangampanya; While at the same time masasabi ko ring naging napakasaya din naming lahat sa gitna ng hirap at salimuot na dala ng elektoral na kampanya.

Mahirap at masalimuot dahil napakarami kaming bagay na isinakripisyo para lamang makapag kampanya ng puspusan. Nandyan, pangunahin, ang pansamantalang pag alis muna namin sa sari-sarili naming mga tahanan para sumentro sa HQ ng Kabataan Partylist sa Kamuning. Nangahulugan ito ng pansamantala naming pagkakalayo sa aming mga pamilya, pero ang dinatnan naman namin sa HQ ay matatawag ding isang pamilya : isang napakalaki at masayang pamilya na nabubuhay sa konsepto ng kolektibong pamumuhay. Sa pamamalagi ko sa HQ ng mahigit isang buwan ay mas lalo kong nakilala ang mga katulad kong aktibista na palagi ko lang dati nakikita sa mob.

At syempre, mas lalo ko ring nakilala ang mga kolektib ko. Hindi kalakihan ang bilang namin, pero kahit na manipis kami, masasabi ko namang sa paglahok namin sa eleksyong ito ay ibinigay naman namin ang aming makakaya. Although may mga pagkakataong di nagkakaintindihan, mas nanaig padin ang aming kolektibong hangarin na ipanalo ang ating Partylist at dalawang senatoriable.

Bukod sa pansamantalang pag alis sa sarili naming mga tahanan; Kinailangan din naming mag adjust para sumabay o sumalubong sa masikhay na pangangampanya. Isa sa mga pinaka hindi ko malilimutan ay ang kada gabing OD (Oplan Dikit). Kung saan halos nilibot na namin ang lahat ng parte ng Maynila(minsan labas pa) para magdikit ng poster ng KPL at nila LM at SO. Madalas ay nagsisimula ang OD ng madaling araw na at natatapos naman ng bukang liwayway na.

Sa mga oras na to, isa ang OD sa pinaka namimiss ko(although noong mga panahong nag OOD kami ay hindi ko naisip na mami miss ko sya). Ang amoy ng gawgaw, ang mga walis at roller, ang poster ng Kabataan at ni Satur at Liza, at syempre pa, ang bagsik ng liquid sosa na minsan nang sumunog sa kanang palad ko. Napaka deserving at worthy din ng meryenda kada tapos ng OD : tasty bread at mayonaise na may kaparehang kape o kaya nama’y softdrinks. Pagkatapos na pagkatapos na kumain ay diretso tulod na. Ang iba nga minsan, sa sobrang pagod ay hindi na inaatubiling kumain, diretso tulog nalang dahil sa pagod.

Bukod sa OD’s, nariyan rin ang pangunahing sangkap para manalo sa kampanya. Ito ay ang paglubog sa mga komunidad para ikampanya at ipropaganda ang ating PL at dalawang senatoriable. matyagang pagpapaliwanag sa masa ng kahalagahan ng pagboto sa ating mga progresibong kandidato. Kahit pa minsan ay likas na katunggali and masa dahil ayaw nya sa mga kandidato ng Kaliwa. Kaakibat ng araw araw na¬† House to House(H2H) ay ang araw araw na pagkapagod o pagkapagal ng mga paa sa mahabang lakaran, ang pagkababad sa tirik na sikat ng araw at ang minsanang pagkaubos ng boses kakasalita at kakapaliwanag sa masa.

Napaka signipikante ng ating H2H, dahil di tulad ng mga tradisyunal na pulitiko o Trapo na dinadaan nalang sa vote buying ang lahat para manalo(tulad ng LPGMA sa aming lugar); sa H2H, nagagawa nating makipag integrate sa masa. Malaman ang pulso nya, ang kanilang pampulitikang paninindigan at higit sa lahat : kung paano sila lilinyahan ng tamang prinsipyo at ideolohiya. Sa pamamagitan ng H2H ay napaalam natin sa masa ang uri ng pagbabago na isinusulong natin.

At kaiba sa mga tradisyunal na pulitiko na ang hangad lang ay ang makaganansya ng boto..Ang ginawa nating istilo ng kampanya ay hindi lamang para ipaalam sa masa ang ating mga numero sa balota, kungdi pagbibitbit din pambansang kalagayan kung saan kahit na lumalahok tayo sa elektoral na kampanya, hindi padin natin nakakalimutang maglingkod at makisangkot sa mga isyung panlipunan.

Ang kampanyang masa ay ginagawa naman natin kahit walang eleksyon. Ngunit ang pagbibitbit ng kampanyang masa sa panahon ng eleksyon ay ang pinaka tumpak ding panahon para pag usapan ito.

Ang H2H sa buong maghapon sa komunidad at ang gabi gabing OD ay ilan lang sa mga bagay na hahanap hanapin ng katawan ko, ngayong tapos na ang elektoral na kampanya.

Pero sa pagtatapos ng araw, ang panahon lang naman ng eleksyo ang natapos at hindi ang panahon ng tuloy tuloy na pakikisangkot at pagkilos para sa batayang karapatan. Ngayong tapos na ang eleksyon ay babalik na naman tayo sa pinapakatan nating mga erya tulad ng komunidad at mga eskwelahan para patuloy na magmulat, mag organisa at mag mobilisa.

Dahil sa huli, hindi naman ang eleksyon o ang bagong pangulo ng bansa ang syang mapagpasya kungdi ang sama sama at tuloy tuloy na pagkilos, kasama ang masa, para sa pambansang demokrasya.

13May10
0258am
SORAL

Pages

Status

  • 19,217 hits

TULONG KABATAAN


ISANG MILYON. ISANG PANATA

TAYO ANG PAGBABAGO!


The Youth is on a Mission to Rock Philippine Politics. Be part.

no to CONASS!


2010 is nearing and as expected by many..CHACHA is now being pushed by the shameful CONASS! I would like to adress my shame to our Congressman Roman T. Romulo of Pasig for supporting the very unconstitutional CHACHA through the passing of HR 1109.

Come and join the widespread campaign of protesting against CONASS! Let us blog and post to all of our social networking sites such as Friendster, Multiply, Facebook our rage against the hasty passing of HR 1109.

-SORAL
(Image courtesy of : http://brianong.blogspot.com/)

Currently listenin’


Named after the traditional Navajo tobacco pipe given as a peace offering, PEACE PIPE arrives on scene bearing gifts: 10 songs with the same promise of their namesake to transport one from the natural world to the spectral world.
more at their MySpace : here

Blog scheds

May 2010
M T W T F S S
« Feb    
 12
3456789
10111213141516
17181920212223
24252627282930
31  

Top Posts